नया परिस्थितिमा ओली विरुद्ध अविश्वासको प्रस्ताव दर्ता गर्नुपर्ने जरुरत नै छैन। ओली ले नै विश्वास लिनुपर्ने बाध्यता छ। ओली सरकार टिक्दैन। सबैभन्दा गारहो ओली का माओवादी मंत्री हरु लाई हुने भो। सांसद पद जाने, मंत्री पद जाने, चुनाव का लागि दुई वर्ष कुर्नुपर्ने, त्यों चुनावमा फेरि जितको संभावना अति कम। झोलमा डुब्ने अवस्था।
एमाले भित्र माधव समुह सँग दुई विकल्प छन: संघर्ष अथवा रण छोड़। यो ओली नसुध्रिने भो भन्ने आभास नवौं पटक गर्ने र आफ्नो समुह को नया पार्टी गठन गर्ने र माओवादी सँग नया नाम मा एकीकरण गर्ने। सुर्य चिन्ह जान्छ, ४० जनाको सांसद पद जान्छ, पार्टी कार्यालय हरु जान्छन। थुप्रो सम्पत्ति जान्छ। संघर्ष को बाटो भनेको ओली ले पार्टी विधान मिच्यो भनेर अदालत, निर्वाचन आयोग जाने, र त्यसैको आधारमा चैतमा डाकेको राष्ट्रिय भेलामा ओली लाई पार्टी बाट निष्काशन गर्ने।
तर संसद एमाले को आतंरिक किचलो को समयतालिका ले निर्देशित हुने होइन। संसद पुनर्स्थापना भएको ३० दिन भित्र ओली ले विश्वासको मत लिनुपर्नेछ। ओली पार्टी बाट निष्काषित नभए संसद दलको नेता रहने भए र माधवका ४० सांसद लाई पनि व्हिप जारी गर्ने भए।
झन्डै दुई तिहाइ सांसद को राजनीतिक अवस्था यति सारहो तरल हुँदा नया सरकार गठन अस्वाभाविक हुने नै भयो। यस्तो अवस्थामा एमाले संसदीय दलका नेता ओली का लागि सबैभन्दा उपयुक्त निर्णय भनेको जसपा का महंथ ठाकुर लाई प्रधान मंत्री बन्न आग्रह गर्ने र त्यस लाई बाहिर बाट समर्थन गर्ने र आफु अर्को निर्वाचन को तैयारीमा देश दौड़ाहा मा निस्किने। स्थानीय निर्वाचन त हुन्छ अब एक वर्षमा।
माधव ओली लाई पार्टी बाट निकाल्न शायद सक्दैनन। ओली ले गरेका अवैधानिक निर्णय त उल्टाउन सजिलो छैन भने। भने पछि दुबै पक्ष असजिलो अवस्थामा बस्नुपरयो अर्को महाधिवेशन सम्म। पार्टी महाधिवेशनमा कि त माधव पक्ष को जित हुन्छ कि पार्टी विधिवत फुटाउन मिल्ने अवस्था आउँछ। अहिले त त्यो पनि छैन। कि अहिले जस्तै जस्तै अवस्था कायम रहेर यो असजिलो लामो चल्छ।
त्यो असजिलो अवस्थामा देउबा अथवा प्रचंड प्रधान मंत्री हुनु भन्दा ओली का लागि महंथ ठाकुर नै बेस।
अर्को महाधिवेशन त्यति टाढा छैन। ओली र माधव पक्ष बीच वास्तविक जित हार हुन्छ भने पार्टी महाधिवेशनमा हुन्छ। यो राजनीतिक प्रतिस्प्रधा हो। यसमा अदालत र निर्वाचन आयोगले के गर्ने?
प्रचंड त दौड़ मैं छैनन। प्रचंड ले प्रम का लागि नाम सारनै सक्दैनन। सार्छन भने इमेज ख़राब हुन्छ, धुमिल हुन्छ। पद का लागि नौटंकी गर्ने मान्छे को बिल्ला लाग्छ यो रिटायर हुने बेलामा।
देउबा को अनिच्छा योग को एउटा आसन हो: किंकर्तव्यविमुढ आसन। कांग्रेस को आतंरिक संरचना नै यस्तो छ कि गगन लाई देउबा को ठाउँमा पुग्न देउबा को उमेर पुग्नुपर्छ। जसपा को माग पुरा गर्ने इच्छा र क्षमता दुबै देउबा सँग नभएकोले नेका-माओवादी-जसपा गठबंधन को सरकार नबन्ने नै देखिन्छ।
नेपालको राजनीतिमा पुस्ता हस्तांतरण गर्न चाहने ले पार्टी खोल्नुपर्छ सीके राउत ले जस्तो।
Posted by Dipendra Jha on Saturday, March 13, 2021
No comments:
Post a Comment